|
fimmtudagur, 26 janúar 2012 11:38 |
|
Árshátíð 1.-7. bekkjar verður haldin í sal Klébergsskóla fimmtudaginn 2. febrúar 2012, kl. 18. Gert er ráð fyrir að hún standi til kl. 19:30.
Dagskráin samanstendur af skemmtiatriðum frá bekkjunum og sjá nemendur einnig um kynningu. Aðgangseyrir er 500 kr. á mann, þó borgar hver fjölskylda, börn og forráðamenn þeirra, aldrei meira en 1.500 kr. Innkoman af þessari árshátíð rennur svo óskipt í ferðasjóð núverandi 6. bekkjar og nýtist þeim í ferð þeirra í Skólabúðirnar á Reykjum næsta haust.
Að loknum skemmtiatriðum verða kaffiveitingar. Sú hefð hefur skapast að foreldrar í 5.-7. bekk komi með meðlæti með kaffinu og förum við þess á leit við foreldra í þeim bekkjum að svo verði aftur í ár.
|
|
|
mánudagur, 23 janúar 2012 16:45 |
|
Hrós vikunnar fá þrír glöggir drengir í 10. bekk, þeir Alexander, Daníel og Óli Geir, fyrir góða frammistöðu í Spurningakeppni grunnskólanna. Þar keppa þeir fyrir hönd Klébergsskóla og eru komnir í 8. liða úrslit, eins og fram kemur hér á vefnum. |
|
mánudagur, 16 janúar 2012 10:12 |
|
Síðasta fimmtudag héldum við Steinamótið sem er minningarmót um Þorstein Broddason heitinn sem kenndi hér við skólann í mörg ár. Á Steinamótinu er keppnisandinn afslappaður og reynt að virkja alla nemendur í höfðingjaleik og skák. Keppnin er milli bekkja og verða úrslit kynnt á samverustund á fimmtudaginn.
|
|
Klébergsskóli kominn í átta liða úrslit |
 |
 |
 |
|
föstudagur, 13 janúar 2012 21:14 |
|
Í gær keppti lið Klébergsskóla í Spurningakeppni grunnskólanna en það voru þeir Alexander, Daníel og Ólafur Geir sem svöruðu hratt og rétt og komu okkur áfram í 8 liða úrslit. Lokakeppnin verður um miðjan febrúar og verður gaman að fylgjast með snillingunum í þeirri viðureign. |
|
|
|
|
<< Upphaf < Fyrri 1 2 3 4 5 6 7 8 9 10 Næsta > Endir >>
|
|
Síða 1 af 90 |
