|
fimmtudagur, 26 janúar 2012 11:38 |
|
Árshátíð 1.-7. bekkjar verður haldin í sal Klébergsskóla fimmtudaginn 2. febrúar 2012, kl. 18. Gert er ráð fyrir að hún standi til kl. 19:30.
Dagskráin samanstendur af skemmtiatriðum frá bekkjunum og sjá nemendur einnig um kynningu.
Boðið verður uppá kaffi eftir skemmtiatriðin, gegn gjaldi. Gjaldið er 500 kr. á mann en hámark 1.500 fyrir fjölskyldu. Hægt verður að ganga frá kaffigjaldinu við innganginn.
Það eru foreldrar nemenda í 5.-7. bekk sem leggja til kökur með kaffinu en skólinn sér um drykki (kaffi og djús) og meðlæti til viðbótar.
Innkoman af þessu kaffisamsæti er lögð í sjóð 6. bekkjar og notuð til að greiða niður ferð þeirra í Skólabúðirnar að Reykjum næsta haust.
Þannig njóta allir bekkir á endanum góðs af þessu fyrirkomulagi sem á sér langa sögu hér við Klébergsskóla.
Sjáumst hress á fimmtudaginn! |
|
|
laugardagur, 28 janúar 2012 20:19 |
|
Hrós vikunnar (22.-28. janúar) er að þessu sinni tileinkað konunum í eldhúsinu, þeim Kolbrúnu og Guðbjörgu en þær eru duglegar að bera fram góðan mat og passa þannig upp á enginn fari svangur úr morgunmat eða hádegismat. |
|
laugardagur, 28 janúar 2012 16:06 |
|
Nýjar myndir eru komnar í myndasafnið. Hér má sjá þær: http://www.klebergsskoli.is/index.php?option=com_phocagallery&view=category&id=53:vorie-2012&Itemid=265
Annars vegar eru þetta myndir frá skemmtun 5. bekkinga á Samveru á fimmtudagsmorgni nýlega og hins vegar myndir sem teknar voru þegar jörð var hér alhvít og börnin léku sér í snjónum. Þetta var þegar hér var vetur fyrir örfáum dögum.
|
|
mánudagur, 23 janúar 2012 16:45 |
|
Hrós vikunnar fá þrír glöggir drengir í 10. bekk, þeir Alexander, Daníel og Óli Geir, fyrir góða frammistöðu í Spurningakeppni grunnskólanna. Þar keppa þeir fyrir hönd Klébergsskóla og eru komnir í 8. liða úrslit, eins og fram kemur hér á vefnum. |
|
|
|
|
<< Upphaf < Fyrri 1 2 3 4 5 6 7 8 9 10 Næsta > Endir >>
|
|
Síða 1 af 91 |
