Nemendur úr 4. bekk sýndu dansatriði á samverunni í morgun. Þeim leiddist það ekki enda lagið skemmtilegt. Við tók svo kynning á Grænfánaverkefni frá yngsta stiginu. sjá myndasafn

Nemendur í hemilisfræðivali nýttu sér góðviðrið í síðustu viku og elduðu sér ungverska gúllassúpu yfir eldi í útistofu og eftirrétturinn, grilluðu sykurúðarinir urðu óvart forréttur einhverra hluta vegna. sjá myndasafn 

Fjaran okkar er algjör gullnáma og 4. bekkur sem hefur verið í blandaðri smiðju frá áramótum fór þangað í rannsóknarleiðangur í síðustu viku. Hamrar voru með í farangrinum og  voru þeir nýttir til að brjóta steina og  var mikill ákafi og spenna  að berja á steinunum. Þegar steinarnir svo hrukku loks í sundur heyrðust mikil gleði- og undrunarhróp yfir því sem þá kom í ljós.  Einn nemandi hafði þó meiri áhuga á að halda áfram með verkefni frá síðasta tíma og hlóð myndarlega vörðu úr steinunum meðan aðrir voru að rannsaka innihaldið :) sjá myndasafn

Vortónleikar Tónlistarskólans á Klébergi fóru vel fram. Einhver forföll voru hjá nokkrum nemendum vegna veikinda og voru því svolítið færi sem komu fram. Við vonum að þau séu nú öll farin að braggast.