Guðni, Rósmarý og Hálfdan.

Mánudaginn 11. febrúar var upplestrarkeppni haldin í 7. bekk. Allir lásu hluta úr sögunni Leyndardómar ljónsins eftir Brynhildi Þórarinsdóttur og ljóð eftir Örn Arnarson. 

Yngstu bekkirnir fengu góða heimsókn í gær, á 1-1-2-deginum. Það voru þær Anna og María frá Björgunarsveitinni Kili sem hittu krakkana í yngstu bekkjunum og sögðu þeim frá neyðarvaktinni og fleira í sambandi við 112.

Fimmtudaginn 14. febrúar nk., standa skólarnir á Kjalarnesi fyrir fræðslufundi um brýnt málefni. Kolbrún Baldursdóttir, sálfræðingur, heldur erindi fyrir foreldra og skólafólk sem ber yfirskriftina: Hvernig verndum við börn gegn kynferðisofbeldi?

Erindið er ætlað foreldrum barna og starfsmönnum í leikskólanum Bakkaberg og Klébergsskóla og er haldið í sal Klébergsskóla, fimmtudaginn 14. febrúar kl. 18-19.

Farið verður í:

Skilgreiningar og birtingamyndir
Hverjir  eru í áhættuhópi?
Hvar á misnotkun sér helst stað?
Þegar gerandi er nákominn
Forvarnir, fræðsla: fyrirbyggjandi aðgerðir
Samvinna skóla/grasrótasamtaka og heimila
Viðbrögð fullorðinna þegar barn segir frá

Með kveðju
Klébergsskóli og leikskólinn Bakkaberg

Öskudagur nálgast óðfluga... fyrir þá sem eiga eftir að finna sér búning þá eru bara tveir dagar til stefnu!

Hvernig getur eitthvað verið bæði hroðalegt og skemmtilegt á sama tíma? Frá öskudeginum 2012.