Fjaran okkar er algjör gullnáma og 4. bekkur sem hefur verið í blandaðri smiðju frá áramótum fór þangað í rannsóknarleiðangur í síðustu viku. Hamrar voru með í farangrinum og  voru þeir nýttir til að brjóta steina og  var mikill ákafi og spenna  að berja á steinunum. Þegar steinarnir svo hrukku loks í sundur heyrðust mikil gleði- og undrunarhróp yfir því sem þá kom í ljós.  Einn nemandi hafði þó meiri áhuga á að halda áfram með verkefni frá síðasta tíma og hlóð myndarlega vörðu úr steinunum meðan aðrir voru að rannsaka innihaldið :) sjá myndasafn

Vortónleikar Tónlistarskólans á Klébergi fóru vel fram. Einhver forföll voru hjá nokkrum nemendum vegna veikinda og voru því svolítið færi sem komu fram. Við vonum að þau séu nú öll farin að braggast.

Ragnar í 7. bekk tefldi fyrir hönd Klébergsskóla á Skólaskákmóti Reykjavíkur, nú í lok apríl. Hann stóð sig með prýði, eins og við var að búast og þrátt fyrir að vera bara einn frá skólanum í þessu erfiða móti. Björn Ívar skákkennari var með honum og á næsta ári sendum við vonandi fjölmennari sveit. Skákin blómstrar í Klébergsskóla um þessar mundir, allir bekkir í 1.-7. bekk hafa fengið kennslu hjá Birni Ívari í þessari íþrótt andans og hefur hún mælst mjög vel fyrir. En Ragnar fær hrós fyrir að halda uppi merki skólans og standa sig svona vel á mótinu. Þess má geta að þó að hann hafi ekki lent í einu af efstu sætunum, enda kannski ekki hægt að ætlast til þess á hans fyrsta stórmóti, þá vann hann skákina gegn þeim dreng sem svo sigraði í mótinu!

Ragnar Líndal, 7. bekk.

Sólin skein svo glatt á mánudaginn að 5. bekkur ákvað að drífa sig út í fjöru í myndmenntatímanum með pappír og blýanta og freista þess að fanga eitthvað af því sem fyrir augu bar á pappírinn. Lífríkið í fjörunni dregur alltaf að sér athygli nemenda og voru hin ýmsu kvikindi rannskökuð þó svo þau yrðu nú ekki fyrir valinu sem fyrirmynd þegar að teikningu kom. sjá myndasafn